My Life and My Views about the world

Sharing my world with you :: Happenings around me !

නව යුගයට පියනගමුද ? වංසේ කබල් ගාමින් කල් මරමුද ?

Posted by sadeepa palliyaguru on November 8, 2009

 

“සිංහල බස පිළිකන්නේ , ඉංග්‍රිසි යලි රජ වන්නේ “ මැයින් ලියූ ලිපිය කියවීමෙන් පසු මෙම ලිපිය ලිවීමට සිතුනි.

එරික් ගාමිණී මහතා සඳහන් කරන පරිදි ඉංග්‍රිසියට පයින් ගසා නිදහසට සමගාමීව අපි ‘ස්වභාෂාවෙන්’ ඉගනීම ආරම්භ කරන ලද්දේ 1910 පටන්‍ය. ඒ අනුව කොළඹ සරසවියේ කලා පීඨයේ සියලු විෂයන් සිංහල මාධ්‍යයෙන් ඉගැන්වෙන අතර , ඊට අමතරව දෙමල මාධ්‍යයෙන් හා අතලොස්සක් විශයන් ඉංග්‍රිසි මාධ්‍යයෙන්ද ඉගැන්වීම සිදුකෙරේ.

මෑතකදී සරසවියෙන් පිටවූ කලා පීඨ සිසුවකු ලෙස මා දකින්නේ “බලලා කූඩුවේම තබා ගැනීමේ” අටියෙන් ඉංග්‍රිසියට විරුද්ද වන්නන් ගේ පොදු මතය මෙම ලිපියෙන් පෙන්නුම් කෙරෙන බවයි. මම මෙසේ කියන්නේ හේතු ගණනාවක් මතය. ප්‍රතමයෙන්ම කලා උපාදි දාරීන් මුහුණ දෙන පොදු ගැටලුව සලකා බලමු. එය නම් රැකියා විරහිතභාවයයි. කොළඹ කොටුවේ අවුවේ වේලෙමින්, පාරවල් වසා ගනිමින් රැකියා ඉල්ලා සටන් කරන බොහෝ දෙනා කලා උපාදි දාරීන් වේ. රැකියා වෙලඳපොල තුලදී ඔවුන් හට මුහුණ දෙන්නට වන පොදු ගැටලුවක් වන්නේ ඉංග්‍රීසි හා පරිගණක දැනුම නොමැතිවීමයි. සමාජ විද්‍යාව , ආර්තික විද්‍යාව වැනි ප්‍රායෝගික විශයන් හැදෑරූ අයට පවා ඉංග්‍රීසි දැනුම නොමැති වීම හමුවේ රැකියා ලබා ගැනීම අපහසු වේ. ගුරු පත්වීම් හෝ සමහර රජයේ රැකියා හැරෙන්නට ඔවුන්ට පෞද්ගලික අංශයේ දොරවල් සම්පූර්ණයෙන් වැසී ඇත. මේ තත්වය සමනය කළ හැක්කේ ඉංග්‍රීසි මාද්‍ය භාවිතාව සරසවියේ ප්‍රචලිත කරවීමෙන් පමණි. මන්ද සරසවිය තුල කෙරෙන ඉංග්‍රීසි පාටමාලාව කෙරෙහි පවා බහුතරයක් සිසුන් දක්වන්නේ ඇල්මැරුණ ආකල්පයක් බැවිනි. සිංහල මාද්‍යයෙන් අද්‍යාපනය ලබා , විශේෂ උපාදි පලමු සාමාර්ඨ සහිතව සම්පූර්ණ කරන ලද සිසුන් පවා රැකියා විරහිතව සිටින්නේ බොහෝ සෙයින් මේ භාෂා ගැටලුව නිසාය.

කොළබ සරසවියේ කලා අංශයේ පුස්තකාලයට ගිය අයෙකුට සරසවි වල “සිංහල මාද්‍ය” බාවිතයේ තවත් පැතිකඩක් දැකගත හැකි වනු ඇත. වසර ගනණාවක් පුරා පැවති ජාත්‍යන්තර සබඳතා වැනි විශයන්ට පවා ඇති පොත් බොහොමයක් ඉංග්‍රිසි මාඩ්‍යයෙන් රචිත ඒවා වන අතර සිංහලින් ලියවුණු පොත් ඇත්තේ අතලොස්සකි. අපි සිංහල මාඩ්‍යයෙන් ගෙනගිය සරසවි අඩ්‍යාපනය සාර්ඨක වූවානම් පුස්තකාල පුරා සිංහලින් ලියවුණ පොත් තිබිය යුතු අතර , එය සිදු නොවී ඇත්තේ සිංහල මාඩ්‍ය මුල්කරගත් අඩ්‍යාපන ක්‍රමයේ අසාර්ඨක බාවන නිසා බව මාගේ හැඟීමයි. තිබෙන ඉංග්‍රිසි පොත් වල දූවිලි බැදී ඇති අතර ඒවා කිසිවෙකු පරිහරණය නොකරති. අවසාන වශයෙන් සිදුවී ඇත්තේ නව දැනුම හබා නොයන , “නෝට් පොටෝ කොපි කරන” ගිරා පෝතක රැලක් බිහිවීම පමණකි.  නව දැනුම හබා යාමට ඔවුන්ට ඇති බාඩකය වී ඇත්තේ “ඉංගිරිසියයි”. තමා හමුවේ ඇති බාධකය තරණය කරණු වෙනුවට , එය පිලිකෙව් කරමින් , එයට පරිබව කරමින් සිංහලෙන්ම ඉගෙනීමෙන් කිසිඳු සාඳනීය තත්වයක් ඇති නොවනු ඇත. එයින් සිදුවන්නේ නව දැනුමෙන් අප දුරස් වීමත් , “කූඩුවේම අප හිර වීමත්” පමණි. ලංකාවට මෑතකදී හඳුන්වා දුන් ගැටුම් නිරාකරණ විශය උදාහරණයකට සලකා බලබු. ආචාර්‍ය ජයදේව උයන්ගොඩ වැනි රචකයන් ලිවූ පොත් අතලොස්සක් හැරුණකොට , සියලු පොත් හා නිබන්දන ඇත්තේ ඉංග්‍රිසි බසිනි. අප කළ යුත්තේ කුමක්ද ? ස්වභාෂා අද්‍යාපනය නම් “ස්වබාදා” ප්‍රතිපත්තිය මත සිටිමින් නව දැනුමින් ඈත් වනවාද , නැත්නම් අභියෝග වලට මුහුණදෙමින් ඉංග්‍රිසිය පහුරක් කරගනිමින් නව දැනුම කරා යෑමද ? .

එරික් ම‍හතා දක්වන ලෙසම ඉංග්‍රීසි මාද්‍යයෙන් ඉගැන්වීම පිලිබඳ කතිකාවතක් කලා පීටය තුල කලක පටන් තිබුණි. අප සරසවියේ සිටින කාලය තුලදීම මෙම වෙනසට විවිද ලෙස ප්‍රතික්‍රියා දැක්වූ ආචාර්‍යවරුන් අපට දැකගත හැකිවිය. සරසවිය තුල සිටි ප්‍රගතිශීලී තරුණ ආචාර්‍යවරු මෙම වෙනසට සුබදායී ලෙස ප්‍රතිචාර දැක්වූහ. අපට ඉගැන්වූ එක් ආචාර්‍යවරයෙක් , ඉංග්‍රීසි මාදය‍යෙන් ඉගනගන්නා සිසුවියක ගෙන් ඉංග්‍රිසි ඉගනීමට තරම් නිහතමානී වන්නට ඇත්තේ මෙහි අවශයතාවය ඔවුනට එදා පටන්ම දැනුන නිසා වන්නට ඇත.

තවදුරටත් ගතහොත් රටේ පවතින පොදු “කුමන්ත්‍රණ න්‍යාය” එරික් මහතා IRQUE ව්‍යාප්‍රුතියටද අදාල කරගෙන් ඇත. කොළබ සරසවියේ කලා පීටයට අලුතින් ලැබී ඇති පරිහණක විද්‍යාගාරය , එහි උපාදි අපේක්ශකයන් වෙනුවෙන් ක්‍රියාත්මක වන පුහුණු වැඩමුලු , ශිෂ්‍ය උප්දේශන සේවා ,  සරසවියේ ක්‍රියාත්මක වන සිංහල හා දෙමල පාටමාලා මෙම කුමන්ට්‍රණයේ කොටස්ද ? සිංහල බසින්ම සුපුරුදු ලෙස ඉගැන්වීම ප්‍රිය කරණ , නව්‍යකරණයට  විරුද්ද අයට IRQUE  “ඈක්” වීම ස්වභාවිකය. 2005 මහින්ද රාජපක්‍ෂ මහතා බලයට පැමිණීමෙන් පසුව මෙම වසරේ සැබවින්ම සිදු විය යුතුව ඇත්තේ සරසවිය ඉංග්‍රීසි මාද්‍යයෙන් ඉගැන්වීම වේගවත් වීමයි. මක්නිසාද යත් අතිගරු ජනාධිපතිතුමා මේ වසර “ඉග්‍රිසි හා තොරතුරු තාක්ෂණ වසර” ලෙස නම් කොට ඇති බැවිණි.

ඉංග්‍රීසි මාද්‍යෙන් ඉගැන්වීම හා ප්‍රචණ්ඩත්වය අතර සබඳතාවය බිඳ දැමීමට  එරික් මහතා ගෙන එන ප්‍රති තර්ක හාසයෝත්පාදකය ! ජෝර්ජ් බුෂ් ඉංග්‍රිසියෙන් ඉගනගනු විනා ලංකාවට පැමිණ සිංහලෙන් ඉගන ගත යුතුද ? ඔබ කියන අන්දමට ලන්ඩනයේ යුනිවර්සිටි කොලිජියේ ඉංග්‍රිසියෙන් ඉගන ගත් මහත්මා ගාන්දි හට අවිහිංසාවේ පියා වීමටද නොහැකි වනු ඇත. ඉංග්‍රිසියෙන් ඉගැන්වීම වෙනුවෙන් පෙනීසිටින අයගේ දරුවන් ගැන අප කතා කළ යුත්තේ ඔවුන් අපට ඉංග්‍රිසියෙන් ඉගනීමට කියා , ඔවුන්ගේ දරුවන්ට සිංහලෙන් උගන්වනවා නම් පමණි.

විශ්ව විද්‍යාලය යන පදයේ අර්තයට විශ්ව දැනුම ගවේශණයද අදාල වනවා ඇත. සිංහලය කර මත තබා අපට විශ්ව දැනුම ගවේශණය තරමක් අසීරු වනු ඇත. අප අසල්වැසි ඉන්දියාව මෙම කඩුල්ල ජයගත් රටකි. එම රටෙන් බිහිවූ ශ්‍රේශ්ට උගතකු වන මන්මෝහන් සිං මෙය දක්වන්නේ මෙලෙසිනි.

“ඉංග්‍රිසි යටත් විජිතයෙන් අපට ලැබුණු වැදගත්ම දායාද වන්නේ ඉංග්‍රිසි බාශාව හා නූතන පාසල් ක්‍රමයයි. …. ලොව බොහෝ රටවල් කර ඇති ලෙස මෙම බාශාව අප විසින් අපේ එකක් කරගෙන ඇත … අපි කතා කරන ඉංග්‍රිසි රැජිනගේ භාශාවම නොවන අතර , අප අතින් වැරදීම් සිදු වනු ඇත . අපි ඉංග්‍රිසි නිපාත නිසි ලෙස යොදා නොගනු ඇත. එසේ වුවත්  ආර්. කේ නාරායන් හා සලමන් රූශ්ඩි වැනි අය තුලින් ඉංග්‍රිසියට ඉන්දියානු නිර්මාණශීලීත්වය අපි එක් කොට ඇත්තෙමු. අද ඉංග්‍රිසිය , තවත් ඉන්දියානු භාශාවක් බවට පත්වී හමාරය.”

මන්මෝහන් සිං ඔක්ස්ෆෝඩ් සරසවියේදී

ඉන්දියාව , ඉංග්‍රීසීන්ට පයින් ගැසුවද ඉංග්‍රීසි භාෂාවට පයින් නොගැසීම ඔවුන්ගේ දියුණුවට හේතුව විය. ඔවුන්ගේ ඉංග්‍රීසි දැනුම නිසා අද ඉන්දියාව තෙරතුරු හා සන්නිවේදන තාක්ශණයේ පෙරගමන්කරුවා වී ඇත. අපි ඒ දෙස බල බලා හූල්ලමින්  “ස්වභාෂාව” බදා ගෙන සිටිමු. ස්වභාෂාව තරම් අපේ රටට හෙණයට සිටි තවත් දෙයක් මට නොපෙනේ. එක් වතාවක් සිංහලය රාජ්‍ය භාෂාව කරගනිමින් , අවුරුදු 30 ක් ඇවිලුණ ගින්නක් අපි දැල්වුවෙමු.

සරසවි වල සිංහල මාද්‍යයෙන් ඉගැන්වීම තුලින් අප කරන්නේ කුමක්ද ? නව දැනුමට දෙරගුලු වසා ලීමයි. ඉංග්‍රිසිය තවදුරටත් “දනපති පන්තියේ” ආයුදයක් නොවේ. එය සියලු දෙනාට හිමි දෙයකි. එරික් මහතා කියන පරිදි සිංහල තුලින්ම ඉගැන්වීම සාමාන්‍ය පන්තියේ දරුවන්ට සරසවියේ අයිතිය උදුරා දැමීමකට වඩා සාමාන්‍ය පන්තියේ දරුවන්ට සාර්ඨකත්වය හා නුතන ලෝකය හා මුහුම් වීමේ අයිතිය උදුරා ගැනීමකි. සී. ඩබ්. ඩබ්. කන්නන්ගර මැතිඳු එදා නිදහස් අඩ්‍යාපනය ගෙන ඒමේදී එය “අපට ගහකට නගින්න එකෙක් නැති වීමක්” ලෙස සමහර අය හෙලා දකින ලදී. එබැවින් ඉංග්‍රිසියෙන් ඉගැන්වීමට විරුද්ද වීමත් , ඉංග්‍රිසිය මුල් කරගනිමින් ගොඩනැගුන බමුණු කුලයක අයට නොරිස්සීමට හැකිය.

මොරටුව සරසවිය මෙයින් ඔබ්බට ගිය එක් සරසවියකි. හොරොව්පතානේ සිට යාපනය දක්වා පරාසයක සිසුන් ඉංග්‍රිසි මාඩ්‍යයෙන් ඉගනීම කරන අතර , සාර්ඨකව රැකියා ලබාගනිති. අද විශ්ව විද්‍යාල අද්‍යාපනය රාජ්‍ය ඒකාඩිකාරයක නොපවතී. විවිද පෞද්ගලික  ආයතන විසින් උපාදිදාරීන් බිහි කරන අතර , ලංකා සරසවි ප්‍රජාව කළ යුත්තේ ඔවුන්ට තරඟයක් දිය හැකි සිසු පරපුරක් සරසවි තුලින් බිහි කිරීමයි. පෞද්ගලික සරසවි බොහෝ විට තම පාටමාල ඉංග්‍රිසියෙන් කරන අතර , සිංහලෙන් ඉගනගනිමින් , රැකියාවක් නොලැබීමේ අවදානම දන්නා සරසවී ශිෂය පජාව කරණුයේ පෞද්ගලික සරසවි වලට එරෙහිව පාරට බැහීමයි.

ඉතින් අප කළ යුත්තේ කුමක්ද ? වංශය කබල් ගාමින් සිංහලෙන් උගනිමින් රැකියා විරහිත උපාදිදාරී සංගම් සාමාජිකත්වය ලබා ගන්නවාද , නැතිනම් ලෝකයේ භාෂාව මගින් නියම “විශ්ව අඩ්‍යාපනයයක්” විශ්ව විශ්‍යාල තුලින් ලබා ගන්නවාද ? – කොළබ සරසවි කලා පීට විඩ්‍යාර්තීනි , තීරණය ඔබෙයි !

 

About these ads

4 Responses to “නව යුගයට පියනගමුද ? වංසේ කබල් ගාමින් කල් මරමුද ?”

  1. අසේල said

    සිංහල බස පිළිකන්නේ ඉංග්‍රිසි යළි රජවන්නේ!

    http://www.divaina.com/2009/10/18/feature06.html

    සිංහල ජාතිය නසන ඉංග්‍රිසි මාධ්‍ය අධ්‍යාපනය

    http://www.divaina.com/2009/11/01/scholast01.html

    “අධ්‍යාපන මාධ්‍ය ඉංගී්‍රසිය විය යුතුය යන අයගේ ප්‍රධාන තර්ක වී තිබෙන්නේ විරැකියාව දුරලීම සඳහාත්, නව ලෝකයට, පිවිසීම සඳහාත් අධ්‍යාපන මාධ්‍ය ඉංගී්‍රසි විය යුතුය යන්නය. අධ්‍යාපන මාධ්‍ය ඉංගී්‍රසි කළ පමණින් විරැකියාව අහෝසි වන්නේ නැත. අප විසින් පසුගිය 18 වැනිදා ලියන ලද ලිපියට යහපත් ප්‍රතිචාර දක්‌වා ඇති කැලණිය විශ්වවිද්‍යාල විද්‍යාපීඨයේ අධ්‍යාපනය ලැබූ සිසුවකුම සඳහන් කොට ඇත්තේ මෙසේය. “එසේ නම් එංගලන්තයේ සුද්දන්ට ජොබ් වැහි වැහැලා ඇති, මේක තනිකරම කැරට්‌ අලයකැයි මට සිතේ” යනුවෙනි”

    ඇයි මේ සිංහලයට කෙනෙහිලි ?

    http://www.divaina.com/2009/10/25/feature08.html

    අලූත් බමුණු කුලයට පාවාඩ එළීම හෙවත් ඉංග්‍රීසිය රජ කරවීම

    http://www.divaina.com/2009/11/01/feature30.html

    • අසේල , පිළිතුරට තුති . දිවයින තම මතයට පටහැනි මත පිලිකෙව් කරන නිසාදෝ මම යැවූ ලිපිය , හෝ තම මතයට පටහැනි කිසිඳු ලිපියක් පල නොකරන ලද හෙයින් මෙය මෙතැන පල කරෙමි.

      පලමුවෙන් කැලණි සිසුවාගේ තර්කය සලකා බලමු. සුද්දන් ඉංග්‍රීසියෙන් ඉගෙන් ගන්නා බව ඇත්තයි. එය ඔවින්ගේ මවු බසයි. ඒ හැර තවත් බසක් ඉගන ගැනීම ඔවුන්ගේ රැකියා අවස්තා වලට බලපෑමක් නොකරයි. ඉංග්‍රීසිය ලෝකයේ සන්නිවේදනයට යොදා ගන්නා ප්‍රදාන බාශාවයි. එය ලාංකිකයන් ඉගෙන්ගැනීම , සුද්දා ඉංග්‍රීසි ඉගනීමට වඩා වෙනස්‍ය. (English as the native language Vs. English as a second language).

      ඔහුගේ මෙම අදහස සලකා බලන්න . “මෙය සම්පූර්ණ කැරට් අලයක් යැයි මට සිතේ” … ඔහුට මෙය සැකය ! …. හුදු කෙස් පැලෙන තර්ක වලින් ඔබ්බට ගොස් රැකියා වෙලඳ පොල දිහා බලනු මැනව. බොහෝ රැකියා ඉංග්‍රීසි දැනුම ඉල්ලයි. ඉංග්‍රීසියෙන් කතා කිරීමේ හැකියාව ඉල්ලයි. යම් සිසුවෙක් ඉග්‍රීසි මාද්‍යයෙන් ඉගෙන ගෙන ඇත්නම් ඔහුට මෙවන් රැකියා ලබා ගැනීම අපහසු නොවන අතර ලංකාවේ විරැකියාවට මෙය සහනයක් ලබා දෙනු ඇත.

  2. අසේල said

    මම හිතන්නෙ කාරණය හරියට තේරුම් අරන් නෑ කියල එතන කියල තියෙන්නෙ එංගලන්තෙ ඉංග්‍රීසි ඉගෙන ගෙනත් විරැකියාව එකයි ලිපි ටික සම්පූර්ණයෙන් කියවපුහම කාරණය වටහාගන්න හැකිවෙයි

    • Shamil said

      නෑ අසේල ඒක වැරදියි. ලිපිය හරියට කියවපු නැති එක නෙවෙයි වැරැද්ද. සන්දීප කියනදේට හරියට අවධානය යොමු නොකරන එකයි වැරැද්ද. මොකද ඔයාල ඒකට කන් දෙන්න කැමති නෑ කියලයි මට හිතෙන්නෙ. සන්දීප කියන දේටත් ටිකක් කන් දෙන්න. එයාගෙ ලිපියෙ අදාල කාරණා සියල්ලක්ම ගැබ් වෙලා තියෙනව කියල මට හිතෙනවා.

      මගේ හැඟීමෙ හැටියටනම් එස්.ඩබ්.ආර්.ඩී. බණ්ඩාරණායක තමයි මේ දේට වග කියන්න ඕනෙ. එයාට බලයට එන්න තිබුන කෑදරකම හින්ද එයා කල්පනා කලේ සිංහල ඡන්ද ගන්න ක්‍රමයක්. එමෙ අනාම එයාට අනිවාර්යෙන් වැඩි ඡන්ද ප්‍රමාණයක් ලැබෙන බව එයා දැනගෙන හිටිය. එයා ඒකට සෑහෙන සාර්ථක ක්‍රමයක් භාවිතා කරල එයාගෙ කාර්යය කර ගත්ත.

      මම කියවල තියෙන පොත් වල හැටියට (උදා- ලෙනාඩ් වුල්ෆ් සමග ගමනක්) එදා හිටපු සිංහල මිනිස්සුන්ට භාෂා තුන හතරකින් කතා කරන්න හැකියාව තිබිල තියෙනවා. සිංහල වගේ අමාරු භාෂාවක් කතා කරන අපිට ලෝකෙ අනෙක් භාෂාවන් කතා කරන එක ලේසි නිසා වෙනන් ඇති එහෙම හැකියාවක් තියෙන්න ඇත්තෙ. නමුත් අන්තිමට උනේ අපිට එහෙම අනෙක් භාෂාවන් ඉගෙන ගන්න තිබුන අවස්ථාවන් නැති වුන එකයි.

      ඒත් ලංකාවෙ මිනිස්සු ලංකාවේ දේවල් වලට වඩා ආස කරන්නෙ ‍පිට දේවල් වලට. ඒක වැරදි දෙයක්. එතකොට සන්දීපල වගෙ කාරණේ හරියට තේරුම් අරගෙන කතා‍ කරන අයටත් වෙන්නෙ අසාධාරණයක්. මොකද මිනිස්සු එයාල දිහා බලන්නෙත් වපර ඇහෙන්. එහෙමත් නැත්නම් ඉංග්‍රීසි ඉගෙන ගෙන නැති ඔයාල සන්දීපල වගෙ සිංහලයි ඉංග්‍රීසියි භාෂා දෙකම දන්න අයට ඊර්ශ්‍යාවට කියන කතා.

      අපි බලන්න ඕනෙ මේ ලෝකෙ තියෙන සියලුම දැනුම ලබාගෙන ලංකාව මේ ලෝකෙ බබලන රටක් කරවන්නයි. ඒ වැඩේට මුලු ලෝකෙටම ආමන්ත්‍රණය කරන්න තියෙන ලේසිම භාෂාව ඉංග්‍රීසි. ඒක නිසයි අපි ඒ භාෂාව ඉගෙන ගන්න ඕන.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
Follow

Get every new post delivered to your Inbox.

%d bloggers like this: